.. ريحة أمي }

.. هذي منّك ؟
أقسى من طعنة عدوّي !
أقسى والله ، حيل أقسى ..

حيل تعبانه يدينك !
يقدح الخنجر وأشمّك :
هيل ، وجروح ، وأغاني !
عاد تدري ؟

شفت ظلّك !
ياما نبّهني عليك ،
كنت أكذّب ظِلْ وافي ..
كان خارج من خياناتك عليّ !
إيه أعرفك :

أحضن الخنجر وأشمّك ،
دمع ، وعيون ، وأماني !
بس أنا ويّاك والله ..
مو مع الطعنات ضدّك !
حتّى شوف ،

وش كثر أشره عليك ..
وآنا مطعون بيديك !
كان من الأوّل تقول ،
وآنا أطعن نفسي عنّك !
طار من عمري غلاك ،
ودمعتينٍ مورقه ..
بللتْ عمري ( حساافة ) !
بس أنا مـ أشره عليك ،
المصيبة : نبع عمري ..
ما يصب إلاّ الثقه !

عاد شوف شلون عمري ..
شلون ودّاني ليديك !
أشهد إنّك ما تقصّر :
كل خنجر تزرقه ..
بالظهر يا حيف والله !
بالردى مالك شريك ،

وش لقيت بطعنتينك ؟
غير صدقي وعْذقه !
وش لقيت بحضن كفّك ،
غير قلبٍ هو يبيك !
ماحبست إلاّ بضلوعي ..
دمع يابس ! وأعتقه ،
مو عشانك :
من عرفت إنّ المحبه ..

ماهي فيك !
إنعكاس الظل يكسر ،
صورتك وسط ورقه ..
وإنكسار الضوْ ،
خنجر يرتعش من طعنتيك !
كل حزنٍ في عيوني ..
من عيونك أسرقه ،
قلتلك وإن جتكْ ضيقه ..
لا تجيني !
أنا أجيك ،
كل همٍ من يحاول يوصلك ..
كنت أسبقه !
وكنت أخلّي عمري يحضن ،
كل طعنه تبـ تجيك !

الله يعطيك العافيه اخوي

سلمت اناملك على الابداع

اشكرك على ماقدمت لنا

تقبل مروري البسيط

دمت ودام ابداعك

الزعيم

كل همٍ من يحاول يوصلك ..
كنت أسبقه !
وكنت أخلّي عمري يحضن ،
كل طعنه تبـ تجيك !



يسلمو على الخاطره الجميله

تقبل مروري

مشكوووورين وأسعدني تواجدكم