المدينة والغريب

فهد المساعد
فهد حينما يكتب يتجلى شعرا وعذوبة فبعد كل بيت يكتبة تتنفس العذوبة الصعداء

ذلك النبض في تلك المدينة..
الذي لازال يتمتم من نفسه لنفسه ..
ذاك البوح .. الذي أسكن في نفسه كل المدن..

أترككم مع القصيدة..

جا يشوف الحـال كيفـه بعـد ماهـزه حنينـه
وقبل يسألني سألته : كيـف حالـك يالحبيـب ؟

قال : انا كنـي غريـب ضيـع دروب المدينـه
قلت : انا كني مدينـة تنتظـر رجعـة غريـب

قال : اجل وش فيك تكره سيرة الحب وسنينـه
قلت : أجل وش لون ما اكره سيرته دامك تغيب

انت لا من غبت حتى مرايتك صـارت حزينـه
كيف ما تبغاني أحزن وانت لي حظ ونصيـب !؟

الهدايـا و الرسايـل و المكاتـيـب الثميـنـه
والليالي و القمر و الريـح و الكـون الرحيـب

كل ما تبعد .. تجيب الشعـر ليـه مـن يدينـه
و تقعد جروحي تـودي فالطواريـق و تجيـب

يا بعد كـل القصيـد و نـزوة حـداه و انينـه
لا ذكرتك لاح بيت .. و طاح ورد .. و فاح طيب

و ان نسيتك ما نساني صوتك المبحوح لينـه..
.. ياخذ لجرحي بثاره مـن خطايـاك و يطيـب

و بعد هذا جاي ترمـي ذنبـك بوجـه المدينـه
ما دريـت ان المدينـه كلهـا شمعـة غريـب